جس طرف دیکھیے ہے ویرانہ
جس طرف دیکھیے ہے ویرانہ
دل ہے یا ہے کوئی عزا خانہ
وحشت زندگی سے گھبرا کر
ڈھونڈھتی ہے نگاہ مے خانہ
عشق مجھ سے اگر کرے کوئی
تو کرے عشق بھی زلیخانہ
اک تو منزل ہی بے نشاں ہے اور
سامنے راستہ ہے بیگانہ
کچھ تو رنگت بدل گئی میری
آئنہ بھی ہے کچھ جداگانہ
کیوں بھٹکتا پھرے گا کوئی اگر
پاس مسجد کے ہو صنم خانہ
جتنا ویران ہو گیا میں جمالؔ
اتنا ویراں کہاں ہے ویرانہ
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
