jis tarah aaj giraftar watan se nikle

jis tarah aaj giraftār vatan se nikle

nā-murādāna koī yuuñ na chaman se nikle

tauq-o-zanjīr pahan kar to ban aa.ī na murād

shāyad ab kaam vafā dār-o-rasan se nikle

ham ne dekhe haiñ bahut gardish-e-ayyām ke rañg

bārhā kashmakash-e-charḳh-e-kuhan se nikle

shādmāñ ho ke sahī saḳhtī-e-zindān-e-firañg

muskurāte hue ham qaid-o-mehan se nikle

be-ḳhatar kuud paḌe aag ke tūfānoñ meñ

ḳhuun meñ tair ke sailāb-e-zaman se nikle

jaan par khel ga.e aag ke tūfānoñ meñ

par na ham dab ke kahīñ charḳh-e-kuhan se nikle

jis tarah aaj giraftar watan se nikle

na-muradana koi yun na chaman se nikle

tauq-o-zanjir pahan kar to ban aai na murad

shayad ab kaam wafa dar-o-rasan se nikle

hum ne dekhe hain bahut gardish-e-ayyam ke rang

barha kashmakash-e-charKH-e-kuhan se nikle

shadman ho ke sahi saKHti-e-zindan-e-firang

muskuraate hue hum qaid-o-mehan se nikle

be-KHatar kud paDe aag ke tufanon mein

KHun mein tair ke sailab-e-zaman se nikle

jaan par khel gae aag ke tufanon mein

par na hum dab ke kahin charKH-e-kuhan se nikle