jis tarah bhi barsar-e-paikar hona tha hue

jis tarah bhī barsar-e-paikār honā thā hue

zindagī kā ham ko da.ave-dār honā thā hue

tere jalvoñ tak rasā.ī ke liye āñkheñ na thiiñ

phir bhī terā tālib-e-dīdār honā thā hue

dushmanī ke naam par to ho chukā maidān saaf

dostoñ ko biich kī dīvār honā thā hue

yuuñ to sab ko e'timād apne paroñ par thā magar

jin parindoñ ko ufuq ke paar honā thā hue

apne is anjām kā shikva bhī ham kis se kareñ

kārobār-e-ishq meñ be-kār honā thā hue

dekhte hī rah ga.e sab hāsidān-e-nek-nām

jis qabīle kā hameñ sardār honā thā hue

gum rahe tārīkiyoñ meñ ‘shān’ is ke bāvajūd

ham ko āḳhir nuur kā mīnār honā thā hue

jis tarah bhi barsar-e-paikar hona tha hue

zindagi ka hum ko dawe-dar hona tha hue

tere jalwon tak rasai ke liye aankhen na thin

phir bhi tera talib-e-didar hona tha hue

dushmani ke nam par to ho chuka maidan saf

doston ko bich ki diwar hona tha hue

yun to sab ko e'timad apne paron par tha magar

jin parindon ko ufuq ke par hona tha hue

apne is anjam ka shikwa bhi hum kis se karen

karobar-e-ishq mein be-kar hona tha hue

dekhte hi rah gae sab hasidan-e-nek-nam

jis qabile ka hamein sardar hona tha hue

gum rahe tarikiyon mein ‘shan’ is ke bawajud

hum ko aaKHir nur ka minar hona tha hue