jis tarah hua jis taur hua har zulm gawara ho to gaya

jis tarah huā jis taur huā har zulm gavārā ho to gayā

jī jī ke mare mar mar ke jiye duniyā meñ guzārā ho to gayā

is fikr meñ huuñ is soch meñ huuñ anjām-e-bahārāñ kyā hogā

har shāḳh-e-nasheman jal to ga.ī har phuul sharārā ho to gayā

āvāra sahī nākāra sahī dīvāna sahī tum sā na sahī

ḳhud apnā sahī maiñ yā na sahī kyā fikr tumhārā ho to gayā

mub.ham hī sahī vāzeh na sahī ik baar sahī paiham na sahī

itnī bhī tavajjoh kyā kam hai kuchh un kā ishārā ho to gayā

ab Dūbeñ ki ubhreñ kuchh bhī ho sāhil kī tamannā kaun kare

maujoñ kī siyāsat dekh to lī tūfāñ kā nazārā ho to gayā

is daur-e-taraqqī meñ insāñ ḳhud apnī haqīqat pā na sakā

fitrat ko musaḳhḳhar kar to liyā duniyā pe ijārā ho to gayā

jis tarah hua jis taur hua har zulm gawara ho to gaya

ji ji ke mare mar mar ke jiye duniya mein guzara ho to gaya

is fikr mein hun is soch mein hun anjam-e-bahaaran kya hoga

har shaKH-e-nasheman jal to gai har phul sharara ho to gaya

aawara sahi nakara sahi diwana sahi tum sa na sahi

KHud apna sahi main ya na sahi kya fikr tumhaara ho to gaya

mubham hi sahi wazeh na sahi ek bar sahi paiham na sahi

itni bhi tawajjoh kya kam hai kuchh un ka ishaara ho to gaya

ab Duben ki ubhren kuchh bhi ho sahil ki tamanna kaun kare

maujon ki siyasat dekh to li tufan ka nazara ho to gaya

is daur-e-taraqqi mein insan KHud apni haqiqat pa na saka

fitrat ko musaKHKHar kar to liya duniya pe ijara ho to gaya