jis tarah jhil ke pani mein sukun tairta hai

jis tarah jhiil ke paanī meñ sukūñ tairtā hai

merī āñkhoñ meñ tirā aks bhī yuuñ tairtā hai

yuuñ milūñ tujh se ki kuchh der meñ tujh sā ho jā.ūñ

gir ke dariyā meñ zarā der hī ḳhuuñ tairtā hai

jab bhī āvāz lagātā huuñ ki tū hai yā nahīñ

mere andar tirī āvāz meñ huuñ tairtā hai

josh meñ aa to gayā hijr ke samundar tak

dekhnā hai ki kahāñ tak ye junūñ tairtā hai

dil tirī yaad ke dariyā se nikaltā hī nahīñ

khīñch letī hai tah-e-āb ye juuñ tairtā hai

kyā huā aql Thikāne pe aa ga.ī pyāre

Dūbne ke liye kuudā hai to kyuuñ tairtā hai

jis tarah jhil ke pani mein sukun tairta hai

meri aankhon mein tera aks bhi yun tairta hai

yun milun tujh se ki kuchh der mein tujh sa ho jaun

gir ke dariya mein zara der hi KHun tairta hai

jab bhi aawaz lagata hun ki tu hai ya nahin

mere andar teri aawaz mein hun tairta hai

josh mein aa to gaya hijr ke samundar tak

dekhna hai ki kahan tak ye junun tairta hai

dil teri yaad ke dariya se nikalta hi nahin

khinch leti hai tah-e-ab ye jun tairta hai

kya hua aql Thikane pe aa gai pyare

Dubne ke liye kuda hai to kyun tairta hai