jis tarah maut zindagi ke liye

jis tarah maut zindagī ke liye

dard vājib hai 'āshiqī ke liye

ashk apne liye sameTe haiñ

aur muskān har kisī ke liye

ban gayā maqbara mohabbat kā

ashk nikle mujāvirī ke liye

ham to maqtal se lauT aa.e haiñ

hai suhūlat kisī-kisī ke liye

apnā apnā charāġh hai sab kā

kaun detā hai raushnī ke liye

aañkh saa.il hai muTThiyāñ haiñ band

nā-munāsib gadāgarī ke liye

ḳhud ko ḳhud hī bayān kar denā

ye bhī mumkin nahīñ sabhī ke liye

jis tarah maut zindagi ke liye

dard wajib hai 'ashiqi ke liye

ashk apne liye sameTe hain

aur muskan har kisi ke liye

ban gaya maqbara mohabbat ka

ashk nikle mujawiri ke liye

hum to maqtal se lauT aae hain

hai suhulat kisi-kisi ke liye

apna apna charagh hai sab ka

kaun deta hai raushni ke liye

aankh sail hai muTThiyan hain band

na-munasib gadagari ke liye

KHud ko KHud hi bayan kar dena

ye bhi mumkin nahin sabhi ke liye