جس طرح سنگ میں شہکار بھی رہ سکتے ہیں
جس طرح سنگ میں شہکار بھی رہ سکتے ہیں
اس طرح ہم پس دیوار بھی رہ سکتے ہیں
تیرے آنے سے خوشی لوٹ بھی سکتی ہے مگر
اور کچھ ہجر کے آثار بھی رہ سکتے ہیں
عدلیہ عدل کے معیار سے گر سکتی ہے
قید میں صاحب کردار بھی رہ سکتے ہیں
ہم فقیروں میں کہاں ہے کوئی تفریق کی بات
ہم فقیروں میں تو سردار بھی رہ سکتے ہیں
کچھ گھڑی دور تو رہ میری تڑپ کی خاطر
ورنہ ہم قرب سے بیزار بھی رہ سکتے ہیں
یہ سیاست ہے یہاں سب کو جگہ ملتی ہے
مولوی فوجی و فن کار بھی رہ سکتے ہیں
آپ چاہیں تو ہمیں چھوڑ دیں چلتے چلتے
آپ چاہیں تو وفادار بھی رہ سکتے ہیں
یہ ضروری تو نہیں سامنے آ کر کھیلیں
کچھ کھلاڑی پس دربار بھی رہ سکتے ہیں
دیکھنے والوں نے محدود کیا ہے موسیٰؔ
ورنہ ہم طور کے اس پار بھی رہ سکتے ہیں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
