jis waqt bhi mauzun si koi baat hui hai
jis vaqt bhī mauzūñ sī koī baat huī hai
māhaul se naġhmāt kī barsāt huī hai
mai-ḳhāne meñ hai shab ke guzarne kā ye aalam
mahsūs ye hotā hai abhī raat huī hai
hai arsa-e-mahshar bhī koī kunj-e-gulistāñ!
dekho to kahāñ un se mulāqāt huī hai
ye dekh ki kis haal meñ ham zinda haiñ ab tak
mat pūchh ki kaise basar-auqāt huī hai
imkāñ nikal aa.e haiñ 'adam' sulh ke kuchh kuchh
kal shab ġham-e-hastī se mirī baat huī hai
jis waqt bhi mauzun si koi baat hui hai
mahaul se naghmat ki barsat hui hai
mai-KHane mein hai shab ke guzarne ka ye aalam
mahsus ye hota hai abhi raat hui hai
hai arsa-e-mahshar bhi koi kunj-e-gulistan!
dekho to kahan un se mulaqat hui hai
ye dekh ki kis haal mein hum zinda hain ab tak
mat puchh ki kaise basar-auqat hui hai
imkan nikal aae hain 'adam' sulh ke kuchh kuchh
kal shab gham-e-hasti se meri baat hui hai
- Book : Kulliyat-e-Adm (Pg. 1552)
- Author : Khwaja Mohammad Zakariya
- Publication : Alhamd Publications, Lahore (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
