jise aana hai milne ke liye wo aa hi jata hai

jise aanā hai milne ke liye vo aa hī jaatā hai

na aanā ho to va.adoñ se faqat bahlā hī jaatā hai

jo aa kar ḳhvāb meñ bhī zehn-o-dil par chhā hī jaatā hai

vo zulf-e-mushkbū se qasr-e-dil mahkā hī jaatā hai

kabhī vahshat-zada māhaul meñ apne hī saa.e se

hujūm-e-kashmakash meñ aadmī ghabrā hī jaatā hai''

har ik chehre pe aa.e jab nazar ik dūsrā chehra

fareb-e-rañg-o-bū insān aksar khā hī jaatā hai

jise apnā samajhtā thā parāyoñ se bhī hai bad-tar

mirī auqāt aa kar vo mujhe batlā hī jaatā hai

parā.e aur apne dafn kar ke lauT aate haiñ

jo tanhā aayā hai duniyā se vo tanhā hī jaatā hai

jalāne aur bujhāne meñ mahārat hai jise hāsil

ulajh jaatī hai jo gutthī use suljhā hī jaatā hai

junūn-e-intihā-e-shauq ḳhizr-e-rāh ho jis kā

vo apnī manzil-e-maqsūd 'barqī' pā hī jaatā hai

jise aana hai milne ke liye wo aa hi jata hai

na aana ho to wadon se faqat bahla hi jata hai

jo aa kar KHwab mein bhi zehn-o-dil par chha hi jata hai

wo zulf-e-mushkbu se qasr-e-dil mahka hi jata hai

kabhi wahshat-zada mahaul mein apne hi sae se

hujum-e-kashmakash mein aadmi ghabra hi jata hai

har ek chehre pe aae jab nazar ek dusra chehra

fareb-e-rang-o-bu insan aksar kha hi jata hai

jise apna samajhta tha parayon se bhi hai bad-tar

meri auqat aa kar wo mujhe batla hi jata hai

parae aur apne dafn kar ke lauT aate hain

jo tanha aaya hai duniya se wo tanha hi jata hai

jalane aur bujhane mein mahaarat hai jise hasil

ulajh jati hai jo gutthi use suljha hi jata hai

junun-e-intiha-e-shauq KHizr-e-rah ho jis ka

wo apni manzil-e-maqsud 'barqi' pa hi jata hai