جسے ہم دل سمجھتے تھے وہی اب دل ربا نکلا

جسے ہم دل سمجھتے تھے وہی اب دل ربا نکلا

خدا کی شان ہے جو مدعی کا مدعا نکلا

پس مردن تلاشی لی فرشتوں نے تو کیا نکلا

چھپا اک گوشۂ دل میں خیال دل ربا نکلا

تہ شمشیر بھی بھولے نہ ہم قاتل کے احساں کو

چلی تلوار رک رک کر زباں سے مرحبا نکلا

میرے اشعار سن کے خوش ہوئے پر واے رے قسمت

زباں سے مرحبا کہنے کو تھے مر بے حیا نکلا

فنا فی اللہ جب اصغرؔ ہوئے تو یہ کھلا عقدہ

جسے ہم بت سمجھتے تھے وہی اپنا خدا نکلا