jise mahbub KHud-dari bahut hai

jise mahbūb ḳhud-dārī bahut hai

use jiine meñ dushvārī bahut hai

yūñhī ujḌā huā rahne do mujh ko

sañvarnā dil pe ab bhārī bahut hai

na jaa.e kūcha-e-mehr-o-vafā meñ

vo jis ko zindagī pyārī bahut hai

bahut taḌpā liyā ab aa bhī jaao

tabī.at dard se bhārī bahut hai

chal ai dil ik na.ī duniyā basā.eñ

yahāñ nafrat kī bīmārī bahut hai

kisī ko kyā banā.eñ jaan apnī

hameñ ḳhud se bhī be-zārī bahut hai

tulā hai sach kalāmī par vafā dil

ki shānoñ par ye sar bhārī bahut hai

jise mahbub KHud-dari bahut hai

use jine mein dushwari bahut hai

yunhi ujDa hua rahne do mujh ko

sanwarna dil pe ab bhaari bahut hai

na jae kucha-e-mehr-o-wafa mein

wo jis ko zindagi pyari bahut hai

bahut taDpa liya ab aa bhi jao

tabiat dard se bhaari bahut hai

chal ai dil ek nai duniya basaen

yahan nafrat ki bimari bahut hai

kisi ko kya banaen jaan apni

hamein KHud se bhi be-zari bahut hai

tula hai sach kalami par wafa dil

ki shanon par ye sar bhaari bahut hai