جسم کا جوڑ جوڑ مٹی کا
جسم کا جوڑ جوڑ مٹی کا
یعنی ہم ہیں نچوڑ مٹی کا
کچھ نہ کچھ تو نکل ہی آئے گا
تو بھی دامن جھنجھوڑ مٹی کا
آسماں کی رسائی ٹھیک مگر
خود سے رشتہ نہ توڑ مٹی کا
دیکھنا ایک دن خدائے کریم
دے گا آنگن سکوڑ مٹی کا
کیسے مٹی سے نور ہو جاؤں
کوئی تو ہوگا توڑ مٹی کا
لے یہ چادر بچھا لے مٹی کی
لے یہ کمبل بھی اوڑھ مٹی کا
اس نے کیسے بنایا ہے صوفیؔ
روح کے ساتھ جوڑ مٹی کا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
