jism ki chaukhaT pe KHam dil ki jabin kar di gai

jism kī chaukhaT pe ḳham dil kī jabīñ kar dī ga.ī

āsmāñ kī chiiz kyuuñ sarf-e-zamīñ kar dī ga.ī

mere hāthoñ kī lakīroñ hī meñ ḳham rakkhā gayā

merī uftād-e-tabī.at hī ġhamīñ kar dī ga.ī

kal mirī be-ḳhvāb āñkhoñ ke muqābil rāt-bhar

naqsh tāroñ meñ vo chashm-e-surmagīñ kar dī ga.ī

ḳhuun rulvātī rahī guzre zamānoñ kī shabīh

thak ga.iiñ āñkheñ to ġharq-e-sāt.gīñ kar dī ga.ī

khoT sone ke tasalsul meñ kahīñ aa.ī zarūr

yuuñ abas to sa.ī-e-dil bātil nahīñ kar dī ga.ī

talḳh kar letā huuñ har lazzat kī shīrīnī ko maiñ

kyuuñ nigah merī nigāh-e-pesh-bīñ kar dī ga.ī

naqsh āḳhir dil se us rū-e-hasīñ kā miT gayā

ḳhatm āḳhir sohbat-e-nām-o-nagīñ kar dī ga.ī

jism ki chaukhaT pe KHam dil ki jabin kar di gai

aasman ki chiz kyun sarf-e-zamin kar di gai

mere hathon ki lakiron hi mein KHam rakkha gaya

meri uftad-e-tabiat hi ghamin kar di gai

kal meri be-KHwab aankhon ke muqabil raat-bhar

naqsh taron mein wo chashm-e-surmagin kar di gai

KHun rulwati rahi guzre zamanon ki shabih

thak gain aankhen to gharq-e-satgin kar di gai

khoT sone ke tasalsul mein kahin aai zarur

yun abas to sai-e-dil baatil nahin kar di gai

talKH kar leta hun har lazzat ki shirini ko main

kyun nigah meri nigah-e-pesh-bin kar di gai

naqsh aaKHir dil se us ru-e-hasin ka miT gaya

KHatm aaKHir sohbat-e-nam-o-nagin kar di gai