jism ko is dil se kya hai istifada kya kahun

jism ko is dil se kyā hai istifāda kyā kahūñ

tang hai jab har tarah se to kushāda kyā kahūñ

jhuuT ko pākīzgī kitnī karūñ tere atā

ḳhāmushī meñ huuñ maiñ ab is se ziyāda kyā kahūñ

DhūñDte ho jeb mere jism meñ kyoñ be-sabab

dil kā ye paivand hai is ko labāda kyā kahūñ

dil churānā be-ruḳhī karnā hunar bharpūr haiñ

aur phir tere ishāre ko bhī vā'da kyā kahūñ

chāñdnī ne kal kī shab puurā badan jhulsā diyā

chāñd ne mere kiyā thā kyā irāda kyā kahūñ

ghar se niklā maiñ to āvāra huā buDDhā nahīñ

vo falak-zāda huā maiñ ḳhāk-zāda kyā kahūñ

jism ko is dil se kya hai istifada kya kahun

tang hai jab har tarah se to kushada kya kahun

jhuT ko pakizgi kitni karun tere ata

KHamushi mein hun main ab is se ziyaada kya kahun

DhunDte ho jeb mere jism mein kyon be-sabab

dil ka ye paiwand hai is ko labaada kya kahun

dil churana be-ruKHi karna hunar bharpur hain

aur phir tere ishaare ko bhi wa'da kya kahun

chandni ne kal ki shab pura badan jhulsa diya

chand ne mere kiya tha kya irada kya kahun

ghar se nikla main to aawara hua buDDha nahin

wo falak-zada hua main KHak-zada kya kahun