jism ko jaan ka sira parda-e-ranai kar

jism ko jaañ kā sirā parda-e-ra.anā.ī kar

saa.e ko dhuup meñ phailā ke na harjā.ī kar

fikr ko zehn kī dīvār pe tasvīr banā

aañkh ko mad.h-sarā dil ko tamāshā.ī kar

haiñ tirī zaat meñ bhī bū-qalamūñ hangāme

tū ise sirf tamāsha-gah-e-tanhā.ī kar

shahr aur shahr tirā naam nikaltā jaa.e

ai sitamgar mirī bhī khol ke rusvā.ī kar

ain mumkin hai ki ho jaa.e yahī sajda qubūl

apnī dahlīz pe ab nāsiya-farsā.ī kar

marne vāloñ ko jalāne kā takalluf kyā hai

jiite jī mar ga.e jo un kī masīhā.ī kar

'shaukat' ab āñsuoñ meñ bhiig rahī hai āvāz

dard bahne lagā hai zamzama-ārā.ī kar

jism ko jaan ka sira parda-e-ranai kar

sae ko dhup mein phaila ke na harjai kar

fikr ko zehn ki diwar pe taswir bana

aankh ko madh-sara dil ko tamashai kar

hain teri zat mein bhi bu-qalamun hangame

tu ise sirf tamasha-gah-e-tanhai kar

shahr aur shahr tera nam nikalta jae

ai sitamgar meri bhi khol ke ruswai kar

ain mumkin hai ki ho jae yahi sajda qubul

apni dahliz pe ab nasiya-farsai kar

marne walon ko jalane ka takalluf kya hai

jite ji mar gae jo un ki masihai kar

'shaukat' ab aansuon mein bhig rahi hai aawaz

dard bahne laga hai zamzama-arai kar