jism mein thoDi jaan baqi hai

jism meñ thoḌī jaan baaqī hai

āḳhirī imtihān baaqī hai

ḳhāndānī nishān baaqī hai

sāmne pān-dān baaqī hai

sab makīñ ho ga.e haiñ ḳhuld-nashīñ

ab to ḳhālī makān baaqī hai

kaisī kaisī aziim thiiñ qaumeñ

jin kī ab dāstān baaqī hai

thā vahāñ shaah kā mahal shāyad

us galī par kamān baaqī hai

ham ne un ko yaqīñ dilāyā thā

phir bhī un kā gumān baaqī hai

us ne pheñke zabān ke ḳhanjar

aaj tak bhī nishān baaqī hai

zalzala ek aa gayā thā vahāñ

sar pe ab āsmān baaqī hai

miT ga.e the jo dīn-e-haq ke liye

aaj tak un kī shaan baaqī hai

dīn-e-haq kā payām zinda hai

is zamīñ par qur.ān baaqī hai

TukḌe TukḌe hue garebāñ ke

phir bhī kyoñ khīñch-tān baaqī hai

jism mein thoDi jaan baqi hai

aaKHiri imtihan baqi hai

KHandani nishan baqi hai

samne pan-dan baqi hai

sab makin ho gae hain KHuld-nashin

ab to KHali makan baqi hai

kaisi kaisi azim thin qaumen

jin ki ab dastan baqi hai

tha wahan shah ka mahal shayad

us gali par kaman baqi hai

hum ne un ko yaqin dilaya tha

phir bhi un ka guman baqi hai

us ne phenke zaban ke KHanjar

aaj tak bhi nishan baqi hai

zalzala ek aa gaya tha wahan

sar pe ab aasman baqi hai

miT gae the jo din-e-haq ke liye

aaj tak un ki shan baqi hai

din-e-haq ka payam zinda hai

is zamin par quran baqi hai

TukDe TukDe hue gareban ke

phir bhi kyon khinch-tan baqi hai