jism-o-jaan ke hisar mein main hun

jism-o-jāñ ke hisār meñ maiñ huuñ

ik ajab se dayār meñ maiñ huuñ

shabnamī taaj hai mire sar par

kitnī dilkash phuvār meñ maiñ huuñ

qatl-o-ġhārat-garī tirā pesha

amn ke kārobār meñ maiñ huuñ

tāzgī mere ruḳh se zāhir hai

lamha-e-ḳhush-gavār meñ maiñ huuñ

qalb ko e'tirāz bejā hai

zehn ke iḳhtiyār meñ maiñ huuñ

mujh ko us paar kā sunāo haal

bahr ke is kanār meñ maiñ huuñ

paas ḳhush-fahmiyoñ kī daldal hai

ek tārīk ġhaar meñ maiñ huuñ

ai 'nazar' Dar ḳhizāñ kā ghere hai

jab ki shahr-e-bahār meñ maiñ huuñ

jism-o-jaan ke hisar mein main hun

ek ajab se dayar mein main hun

shabnami taj hai mere sar par

kitni dilkash phuwar mein main hun

qatl-o-ghaarat-gari tera pesha

amn ke karobar mein main hun

tazgi mere ruKH se zahir hai

lamha-e-KHush-gawar mein main hun

qalb ko e'tiraaz beja hai

zehn ke iKHtiyar mein main hun

mujh ko us par ka sunao haal

bahr ke is kanar mein main hun

pas KHush-fahmiyon ki daldal hai

ek tarik ghaar mein main hun

ai 'nazar' Dar KHizan ka ghere hai

jab ki shahr-e-bahaar mein main hun