jism par sabun tha pani ghusl-KHane se gaya

jism par sābun thā paanī ġhusl-ḳhāne se gayā

aap kī mistake Thahrī maiñ nahāne se gayā

ik minister ne sajā.ī mahfil-e-raqs-o-surūr

nāchne vaalī kā bil qaumī ḳhazāne se gayā

qādrī ne DaañT kuchh aisī pilā.ī sher ko

sher muslim-league kā thā dum hilāne se gayā

aa gayā thā ek shā.er dost pakistan se

chaa.e se Thahrā rahā whiskey pilāne se gayā

film taqsīm-e-virāsat kā yahī the-end hai

dard kuchh aisā thā jo gardan dabāne se gayā

ik ġharīb ustād kī tuition Thikāne lag ga.ī

mājida dulhan banī teacher paḌhāne se gayā

us ke gāloñ par ka.ī dast-e-hinā.ī sabt haiñ

ishq kā nashsha thā āḳhir maar khāne se gayā

itnī mahñgā.ī hai biryānī koī laatā nahīñ

phir koī bhūkā mujāvar āstāne se gayā

us kī mayyat meñ sabhī aḳhbār paḌh paḌh kar ga.e

'ḳhālid'-e-irfān shā.er thā bulāne se gayā

jism par sabun tha pani ghusl-KHane se gaya

aap ki mistake Thahri main nahane se gaya

ek minister ne sajai mahfil-e-raqs-o-surur

nachne wali ka bil qaumi KHazane se gaya

qadri ne DanT kuchh aisi pilai sher ko

sher muslim-league ka tha dum hilane se gaya

aa gaya tha ek shaer dost pakistan se

chae se Thahra raha whiskey pilane se gaya

film taqsim-e-wirasat ka yahi the-end hai

dard kuchh aisa tha jo gardan dabane se gaya

ek gharib ustad ki tuition Thikane lag gai

majida dulhan bani teacher paDhane se gaya

us ke galon par kai dast-e-hinai sabt hain

ishq ka nashsha tha aaKHir mar khane se gaya

itni mahngai hai biryani koi lata nahin

phir koi bhuka mujawar aastane se gaya

us ki mayyat mein sabhi aKHbar paDh paDh kar gae

'KHalid'-e-irfan shaer tha bulane se gaya