jitna tha sargarm-e-kar utna hi dil nakaam tha

jitnā thā sargarm-e-kār utnā hī dil nākām thā

hosh jis kā naam hai vo bhī junūn-e-ḳhām thā

hosh kā zāmin thā saaqī kaif-parvar dil kā shauq

jaam thā paas aur be-andesha-e-anjām thā

ḳhatm kartī jald kyūñkar ziist kī manzil ko saañs

pher kosoñ kā thā lekin fāsla ik gaam thā

josh-e-shorīda-sarī thā tā-ba-vahm-e-iḳhtiyār

thak ke dam TuuTā to phir ārām hī ārām thā

ab kahāñ vo āmad-o-raft-e-nafas kī shāh-rāh

ik kashākash thī ki jis kā zindagānī naam thā

chauñk kar ḳhud manzar-e-hastī se āñkheñ pher liiñ

hichkiyāñ kaahe ko thiiñ poshīda ik paiġhām thā

gul huā āḳhir bhaḌak kar sho.ala-e-josh-e-shabāb

thī kaf-e-mauj-e-havādis aur charāġh-e-shām thā

be-jale kis tarah bantā sham.a parvāne kā dil

vo use anjām kyā dete jo merā kaam thā

tum ne ḳhud nākām rakh ke us kī himmat kī thī past

ārzū-e-be-gunah par muft kā ilzām thā

jitna tha sargarm-e-kar utna hi dil nakaam tha

hosh jis ka nam hai wo bhi junun-e-KHam tha

hosh ka zamin tha saqi kaif-parwar dil ka shauq

jam tha pas aur be-andesha-e-anjam tha

KHatm karti jald kyunkar zist ki manzil ko sans

pher koson ka tha lekin fasla ek gam tha

josh-e-shorida-sari tha ta-ba-wahm-e-iKHtiyar

thak ke dam TuTa to phir aaram hi aaram tha

ab kahan wo aamad-o-raft-e-nafas ki shah-rah

ek kashakash thi ki jis ka zindagani nam tha

chaunk kar KHud manzar-e-hasti se aankhen pher lin

hichkiyan kahe ko thin poshida ek paigham tha

gul hua aaKHir bhaDak kar shoala-e-josh-e-shabab

thi kaf-e-mauj-e-hawadis aur charagh-e-sham tha

be-jale kis tarah banta shama parwane ka dil

wo use anjam kya dete jo mera kaam tha

tum ne KHud nakaam rakh ke us ki himmat ki thi past

aarzu-e-be-gunah par muft ka ilzam tha