jitne hain rang-e-chaman rang-e-hina ho jaenge

jitne haiñ rañg-e-chaman rañg-e-hinā ho jā.eñge

tum hameñ dekhoge aur ham aa.ina ho jā.eñge

ḳhaak oḌheñge phireñge kū-ba-kū aur us ke baa'd

ham tirī furqat meñ jaane kyā se kyā ho jā.eñge

naqsh ban kar pāniyoñ meñ Dūbte haiñ jis tarah

dekhnā is tarah ik din ham fanā ho jā.eñge

maut kī āñdhī chalegī aur phir mere charāġh

dekhte hī dekhte nazr-e-havā ho jā.eñge

apnī ḳhushbueñ utarne do hamāre jism meñ

phuul kī sūrat khileñge ham sabā ho jā.eñge

vasl kī shab jagmagā.egī dil-e-aflāk par

chāñd aur sūraj tumhāre naqsh-e-pā ho jā.eñge

dekh lenā TuuT kar shāḳh-e-shajar se ek din

ḳhushk patte āñdhiyoñ ke ham-navā ho jā.eñge

ek din 'afroz' jitne bhī haiñ āhañg-e-hayāt

gumbad-e-jāñ meñ vo sab hī be-sadā ho jā.eñge

jitne hain rang-e-chaman rang-e-hina ho jaenge

tum hamein dekhoge aur hum aaina ho jaenge

KHak oDhenge phirenge ku-ba-ku aur us ke ba'd

hum teri furqat mein jaane kya se kya ho jaenge

naqsh ban kar paniyon mein Dubte hain jis tarah

dekhna is tarah ek din hum fana ho jaenge

maut ki aandhi chalegi aur phir mere charagh

dekhte hi dekhte nazr-e-hawa ho jaenge

apni KHushbuen utarne do hamare jism mein

phul ki surat khilenge hum saba ho jaenge

wasl ki shab jagmagaegi dil-e-aflak par

chand aur suraj tumhaare naqsh-e-pa ho jaenge

dekh lena TuT kar shaKH-e-shajar se ek din

KHushk patte aandhiyon ke ham-nawa ho jaenge

ek din 'afroz' jitne bhi hain aahang-e-hayat

gumbad-e-jaan mein wo sab hi be-sada ho jaenge