jitne qarin tum aae

jitne qarīñ tum aa.e

bante ga.e parā.e

paas aa.e tum mire yuuñ

jaise ki ḳhvāb aa.e

kyā ḳhizr kā bharosa

aa.e ki vo na aa.e

vaa.iz banā hai mai-kash

kyā kyā taġhayyur aa.e

shāyad qarīñ hai manzil

phir paañv Dagmagā.e

yaad aa.iiñ chaTkī kaliyāñ

tum jab bhī muskurā.e

kah do 'jamāl' dil se

ham se na dil lagā.e

jitne qarin tum aae

bante gae parae

pas aae tum mere yun

jaise ki KHwab aae

kya KHizr ka bharosa

aae ki wo na aae

waiz bana hai mai-kash

kya kya taghayyur aae

shayad qarin hai manzil

phir panw Dagmagae

yaad aain chaTki kaliyan

tum jab bhi muskurae

kah do 'jamal' dil se

hum se na dil lagae