jitne sine pe dagh-e-mazi hain

jitne siine pe dāġh-e-māzī haiñ

jān-e-jāñ sab hī jāñ-gudāzī haiñ

koī insāf kī nahīñ kahtā

kaise munsif haiñ kaise qaazī haiñ

aap se ruḳh phire are tauba

aap to qibla-e-majāzī haiñ

'ishq karnā agar ḳhatā hai to

ham tumhārī sazā ko raazī haiñ

ham gunahgār haiñ bache rahiye

aap to nek aur namāzī haiñ

vo hameñ kis tarah samajh paa.eñ

ham to un ke liye riyāzī haiñ

ham ko 'faisal' na jāniye shā'ir

ham kahāñ ke suḳhan-tarāzī haiñ

jitne sine pe dagh-e-mazi hain

jaan-e-jaan sab hi jaan-gudazi hain

koi insaf ki nahin kahta

kaise munsif hain kaise qazi hain

aap se ruKH phire are tauba

aap to qibla-e-majazi hain

'ishq karna agar KHata hai to

hum tumhaari saza ko raazi hain

hum gunahgar hain bache rahiye

aap to nek aur namazi hain

wo hamein kis tarah samajh paen

hum to un ke liye riyazi hain

hum ko 'faisal' na jaaniye sha'ir

hum kahan ke suKHan-taraazi hain