jitne wahshi hain chale jate hain sahra ki taraf

jitne vahshī haiñ chale jaate haiñ sahrā kī taraf

koī jaatā hī nahīñ ḳhema-e-lailā kī taraf

ham harīfoñ kī tamannā meñ mare jaate haiñ

uñgliyāñ uThne lagīñ dīda-e-bīnā kī taraf

har taraf sub.h ne ik jaal bichhā rakkhā hai

os kī buuñd kahāñ jaatī hai dariyā kī taraf

ham bhī amrit ke talabgār rahe haiñ lekin

haath baḌh jaate haiñ ḳhud zahr-e-tamannā kī taraf

jitne wahshi hain chale jate hain sahra ki taraf

koi jata hi nahin KHema-e-laila ki taraf

hum harifon ki tamanna mein mare jate hain

ungliyan uThne lagin dida-e-bina ki taraf

har taraf subh ne ek jal bichha rakkha hai

os ki bund kahan jati hai dariya ki taraf

hum bhi amrit ke talabgar rahe hain lekin

hath baDh jate hain KHud zahr-e-tamanna ki taraf