jiyo jine do logon ko sabhi ko shad rahne do

jiyo jiine do logoñ ko sabhī ko shaad rahne do

ye duniyā ḳhūbsūrat hai ise ābād rahne do

na phir bhaḌkāo sho.aloñ ko na rakkho bam kitāboñ meñ

ye bachche phuul se bachche haiñ in ko shaad rahne do

dhuāñ uglegī ye dhartī lahū kī bārisheñ hoñgī

na itnā zulm farmāo hameñ ābād rahne do

ye jannat hai ise jannat-kada hī tā-abad rakhnā

yahāñ ke zarre zarre ko gul-o-shamshād rahne do

karo elaan ḳhushiyoñ kā bahāroñ ke tarānoñ kā

har ik āñgan ko bastī ke mire ābād rahne do

qayāmat aa.ī to sab raakh ho jā.egā ye gulshan

sitam kī dhuup se is ko abhī āzād rahne do

baḌī qurbāniyāñ de kar ise ham ne tarāshā hai

isī paikar se vābasta hasīñ har yaad rahne do

jiyo jine do logon ko sabhi ko shad rahne do

ye duniya KHubsurat hai ise aabaad rahne do

na phir bhaDkao shoalon ko na rakkho bam kitabon mein

ye bachche phul se bachche hain in ko shad rahne do

dhuan uglegi ye dharti lahu ki barishen hongi

na itna zulm farmao hamein aabaad rahne do

ye jannat hai ise jannat-kada hi ta-abad rakhna

yahan ke zarre zarre ko gul-o-shamshad rahne do

karo elan KHushiyon ka bahaaron ke taranon ka

har ek aangan ko basti ke mere aabaad rahne do

qayamat aai to sab rakh ho jaega ye gulshan

sitam ki dhup se is ko abhi aazad rahne do

baDi qurbaniyan de kar ise hum ne tarasha hai

isi paikar se wabasta hasin har yaad rahne do