jo aankhon ke taqaze hain wo nazzare banata hun

Saleem Ahmed

jo aankhon ke taqaze hain wo nazzare banata hun

Saleem Ahmed

MORE BY Saleem Ahmed

    jo āñkhoñ ke taqāze haiñ vo nazzāre banātā huuñ

    añdherī raat hai kāġhaz pe maiñ taare banātā huuñ

    mohalle vaale mere kār-e-be-masraf pe hañste haiñ

    maiñ bachchoñ ke liye galiyoñ meñ ġhubbāre banātā huuñ

    vo lorī gā.eñgī aur un meñ bachchoñ ko sulā.eñgī

    maiñ maaoñ ke liye phūloñ ke gahvāre banātā huuñ

    fazā-e-nīl-gūñ meñ hasrat-e-parvāz to dekho

    maiñ uḌne ke liye kāġhaz ke tayyāre banātā huuñ

    mujhe rañgoñ se apne hairateñ taḳhlīq karnī haiñ

    kabhī titlī kabhī jugnū kabhī taare banātā huuñ

    zamīñ yaḳh-basta ho jaatī hai jab jāḌoñ rātoñ meñ

    maiñ apne dil ko sulgātā huuñ añgāre banātā huuñ

    tirā dast-e-hinā.ī dekh kar mujh ko ḳhayāl aayā

    maiñ apne ḳhuun se lafzoñ ke gul-pāre banātā huuñ

    mujhe ik kaam aatā hai ye lafzoñ ke banāne

    kabhī mīThe banātā huuñ kabhī khāre banātā huuñ

    bulandī talab hai aur andar intishār itnā

    so apne shahr saḌkoñ pe favvāre banātā huuñ

    jo aankhon ke taqaze hain wo nazzare banata hun

    andheri raat hai kaghaz pe main tare banata hun

    mohalle wale mere kar-e-be-masraf pe hanste hain

    main bachchon ke liye galiyon mein ghubbare banata hun

    wo lori gaengi aur un mein bachchon ko sulaengi

    main maon ke liye phulon ke gahware banata hun

    faza-e-nil-gun mein hasrat-e-parwaz to dekho

    main uDne ke liye kaghaz ke tayyare banata hun

    mujhe rangon se apne hairaten taKHliq karni hain

    kabhi titli kabhi jugnu kabhi tare banata hun

    zamin yaKH-basta ho jati hai jab jaDon ki raaton mein

    main apne dil ko sulgata hun angare banata hun

    tera dast-e-hinai dekh kar mujh ko KHayal aaya

    main apne KHun se lafzon ke gul-pare banata hun

    mujhe ek kaam aata hai ye lafzon ke banane ka

    kabhi miThe banata hun kabhi khaare banata hun

    bulandi ki talab hai aur andar intishaar itna

    so apne shahr ki saDkon pe fawware banata hun

    RECITATIONS

    Nomaan Shauque

    Nomaan Shauque

    Nomaan Shauque

    jo aankhon ke taqaze hain wo nazzare banata hun Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY