jo ahraman se paDa wasta mafar na hua

jo ahraman se paḌā vāsta mafar na huā

kisī bhī baat pe raazī vo fitna-gar na huā

na sochā pahle ye ushshāq kahte phirte haiñ

kareñge kyā koī va.ada vafā agar na huā

ye beḌā ġharq huā jis kī nā-ḳhudā.ī meñ

vo kah rahā hai koī mujh sā dīda-var na huā

kareñ jo va.ada vo ab das hazār saal kā ho

hazār saal kā da.avā to mo'atabar na huā

ye kūcha ishq kā hai ishq kā are 'nazmī'

idhar na hogā kabhī yaas kā guzar na huā

jo ahraman se paDa wasta mafar na hua

kisi bhi baat pe raazi wo fitna-gar na hua

na socha pahle ye ushshaq kahte phirte hain

karenge kya koi wada wafa agar na hua

ye beDa gharq hua jis ki na-KHudai mein

wo kah raha hai koi mujh sa dida-war na hua

karen jo wada wo ab das hazar sal ka ho

hazar sal ka dawa to mo'atabar na hua

ye kucha ishq ka hai ishq ka are 'nazmi'

idhar na hoga kabhi yas ka guzar na hua