jo aks-e-yar tah-e-ab dekh sakte hain
jo aks-e-yār tah-e-āb dekh sakte haiñ
ajiib log haiñ kyā ḳhvāb dekh sakte haiñ
samundaroñ ke safar sab kī qismatoñ meñ kahāñ
so ham kināre se girdāb dekh sakte haiñ
guzarne vaale jahāzoñ se rasm o raah nahīñ
bas un ke aks sar-e-āb dekh sakte haiñ
havā ke apne ilāqe havas ke apne maqām
ye kab kisī ko zafar-yāb dekh sakte haiñ
ḳhafā haiñ āshiq o māshūq se magar kuchh log
ġhazal meñ ishq ke ādāb dekh sakte haiñ
jo aks-e-yar tah-e-ab dekh sakte hain
ajib log hain kya KHwab dekh sakte hain
samundaron ke safar sab ki qismaton mein kahan
so hum kinare se girdab dekh sakte hain
guzarne wale jahazon se rasm o rah nahin
bas un ke aks sar-e-ab dekh sakte hain
hawa ke apne ilaqe hawas ke apne maqam
ye kab kisi ko zafar-yab dekh sakte hain
KHafa hain aashiq o mashuq se magar kuchh log
ghazal mein ishq ke aadab dekh sakte hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
