jo anis-e-dil nahin hai jo amin-e-gham nahin hai

jo anīs-e-dil nahīñ hai jo amīn-e-ġham nahīñ hai

koī aur shai hai shāyad vo tirā karam nahīñ hai

mujhe koī ġham nahīñ thā mujhe koī ġham nahīñ hai

mire haal par kisī kā ye karam bhī kam nahīñ hai

mai-e-zindagī bhī hotī mai-e-angbīñ se saaqī

tire mai-kade meñ shāyad koī jām-e-jam nahīñ hai

rah-o-rasm-e-‘āshiqī meñ jo kiyā hai tū ne ab tak

vo sulūk-e-mujrimāna abhī muḳhtatam nahīñ hai

kisī be-ruḳhī pe un kī na churāo un se nazreñ

ki mazāq-e-dilbarī hai ye koī sitam nahīñ hai

tirī maslahat pe hamdam mujhe shak nahīñ hai lekin

ye fareb-e-muḳhlisāna to javāb-e-ġham nahīñ hai

vo shu'ūr-e-ġham 'atā hai mujhe fitratan azal se

ki shikast-e-dil pe 'bāsit' mirī aañkh nam nahīñ hai

jo anis-e-dil nahin hai jo amin-e-gham nahin hai

koi aur shai hai shayad wo tera karam nahin hai

mujhe koi gham nahin tha mujhe koi gham nahin hai

mere haal par kisi ka ye karam bhi kam nahin hai

mai-e-zindagi bhi hoti mai-e-angbin se saqi

tere mai-kade mein shayad koi jam-e-jam nahin hai

rah-o-rasm-e-‘ashiqi mein jo kiya hai tu ne ab tak

wo suluk-e-mujrimana abhi muKHtatam nahin hai

kisi be-ruKHi pe un ki na churao un se nazren

ki mazaq-e-dilbari hai ye koi sitam nahin hai

teri maslahat pe hamdam mujhe shak nahin hai lekin

ye fareb-e-muKHlisana to jawab-e-gham nahin hai

wo shu'ur-e-gham 'ata hai mujhe fitratan azal se

ki shikast-e-dil pe 'basit' meri aankh nam nahin hai