جو اپنے جرم پر کبھی نادم نہیں رہے

جو اپنے جرم پر کبھی نادم نہیں رہے

ان سے کبھی بھی میرے مراسم نہیں رہے

باقی ہے اب بھی دہر میں وہ خوبرو محل

لیکن یہ جس کا حق تھا وہ حاکم نہیں رہے

مظلوم کہتے کیوں پھرے ہم اپنے آپ کو

پہلے کی طرح جب کہ وہ ظالم نہیں رہے

کیوں بولتا نہیں ہے کوئی جہل کے خلاف

کیا اس جہاں میں اب کوئی عالم نہیں رہے

لعنت ہو منصفوں پہ عدالت پہ وائے ہو

مجرم ہی اس جہاں میں جو مجرم نہیں رہے

کس کو دکھائیں داغ جگر جا کے اے سہیلؔ

اب کوئی بھی ہمارے محارم نہیں رہے