jo apne sar pe sar-e-shaKH-e-ashiyan guzri

jo apne sar pe sar-e-shāḳh-e-āshiyāñ guzrī

kisī ke sar pe qafas meñ bhī vo kahāñ guzrī

usī kī yaad hai mahtāb-e-shām-hā-e-firāq

vo ek shab ki sar-e-kū-e-mah-vashāñ guzrī

jahāñ meñ shauq kabhī rā.egāñ nahīñ jaatā

maiñ kyuuñ kahūñ ki mirī umr rā.egāñ guzrī

jabīn-e-shauq hamārī galī galī meñ jhukī

ki har galī se tirī ḳhāk-e-āstāñ guzrī

jo apne sar pe sar-e-shaKH-e-ashiyan guzri

kisi ke sar pe qafas mein bhi wo kahan guzri

usi ki yaad hai mahtab-e-sham-ha-e-firaq

wo ek shab ki sar-e-ku-e-mah-washan guzri

jahan mein shauq kabhi raegan nahin jata

main kyun kahun ki meri umr raegan guzri

jabin-e-shauq hamari gali gali mein jhuki

ki har gali se teri KHak-e-astan guzri