jo ashk aankhon mein tham gae hain

jo ashk āñkhoñ meñ tham ga.e haiñ

tire tasavvur meñ jam ga.e haiñ

jo tū masīhā banā hai merā

kidhar na jaane ye ġham ga.e haiñ

khaḌe haiñ paaoñ pe apne ham to

jahāñ sahāre the kam ga.e haiñ

jo terī mahfil meñ hañste aa.e

vo le ke āñkhoñ ko nam ga.e haiñ

kabhī na lauTāyā us ne ḳhālī

jo le ke dāman ye ham ga.e haiñ

jo ashk aankhon mein tham gae hain

tere tasawwur mein jam gae hain

jo tu masiha bana hai mera

kidhar na jaane ye gham gae hain

khaDe hain paon pe apne hum to

jahan sahaare the kam gae hain

jo teri mahfil mein hanste aae

wo le ke aankhon ko nam gae hain

kabhi na lauTaya us ne KHali

jo le ke daman ye hum gae hain