جو برنگ سحر دکھائی دیا
جو برنگ سحر دکھائی دیا
اس کا حسن نظر دکھائی دیا
جس طرف بھی نگاہ دوڑائی
صرف رقص شرر دکھائی دیا
سب کے ہاتھوں میں آ گئے پتھر
جب شجر با ثمر دکھائی دیا
عمر بھر جس کا انتظار رہا
مجھ سے وہ بے خبر دکھائی دیا
اس کی خوشیاں نہ پوچھئے جس کو
بعد مدت کے گھر دکھائی دیا
دل سے یک بارگی دعا نکلی
جب پریشاں بشر دکھائی دیا
آج تیری گلی میں چرچا ہے
ایک آشفتہ سر دکھائی دیا
بات محلوں کی کر رہا تھا مگر
اس کے اندر کھنڈر دکھائی دیا
کر کے مجھ کو اسیر غم اجملؔ
وہ ستم گر نہ پھر دکھائی دیا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.