jo baada mohabbat ka teri nosh kiya hai

jo baada mohabbat kā tirī nosh kiyā hai

yak baar vo aalam kuuñ farāmosh kiyā hai

ai sāqī-e-badmast mai-e-ishq ne terī

le hosh mujhe hosh suuñ behosh kiyā hai

tujh bar meñ sajan jalva-numā surḳh qabā dekh

ḳhūn-e-dil-e-ushshāq ne phir josh kiyā hai

jis din suuñ mire bar meñ vo gul-pairahan aaya

us din suuñ mujh āġhosh ko gul-posh kiyā hai

sīmīñ-badan āġhosh meñ dastā hai mirī yuuñ

jiyoñ maah kuuñ haale ne ham-āġhosh kiyā hai

paayā hai mujhe sarv-qad-e-yār kā maa.il

mere suḳhan-e-rāst kuuñ jo gosh kiyā hai

'dā.ūd' ta.ajjub hai ki vo yār-e-vafādār

yak-bārgī āshiq kuuñ farāmosh kiyā hai

jo baada mohabbat ka teri nosh kiya hai

yak bar wo aalam kun faramosh kiya hai

ai saqi-e-badmast mai-e-ishq ne teri

le hosh mujhe hosh sun behosh kiya hai

tujh bar mein sajan jalwa-numa surKH qaba dekh

KHun-e-dil-e-ushshaq ne phir josh kiya hai

jis din sun mere bar mein wo gul-pairahan aaya

us din sun mujh aaghosh ko gul-posh kiya hai

simin-badan aaghosh mein dasta hai meri yun

jiyon mah kun haale ne ham-aghosh kiya hai

paya hai mujhe sarw-qad-e-yar ka mail

mere suKHan-e-rast kun jo gosh kiya hai

'daud' tajjub hai ki wo yar-e-wafadar

yak-bargi aashiq kun faramosh kiya hai