jo baat dil mein thi wo kab zaban par aai

jo baat dil meñ thī vo kab zabān par aa.ī

sunā rahā hai fasāne fareb-e-goyā.ī

na.e charāġh sar-e-rahguzar jalā aa.ī

havā-e-nik.hat-e-gul thī ki merī bīnā.ī

tū garm raat meñ ThanDī havā kā jhoñkā thā

zarā qarīb se guzrā to niiñd sī aa.ī

jo baat tujh meñ hai vo dūsroñ meñ kyā miltī

jo baat mujh meñ hai tū ne bhī vo kahāñ paa.ī

vo yaad aa.e to dil aur ho gayā vīrāñ

vo mil ga.e to baḌhā aur dard-e-tanhā.ī

bahut dinoñ se mirā dil udaas bhī to nahīñ

bahut dinoñ se tirī yaad bhī nahīñ aa.ī

'salīm' qurb se bhī tishnagī nahīñ jaatī

ye baat sāhil-o-dariyā ne mujh ko samjhā.ī

jo baat dil mein thi wo kab zaban par aai

suna raha hai fasane fareb-e-goyai

nae charagh sar-e-rahguzar jala aai

hawa-e-nikhat-e-gul thi ki meri binai

tu garm raat mein ThanDi hawa ka jhonka tha

zara qarib se guzra to nind si aai

jo baat tujh mein hai wo dusron mein kya milti

jo baat mujh mein hai tu ne bhi wo kahan pai

wo yaad aae to dil aur ho gaya viran

wo mil gae to baDha aur dard-e-tanhai

bahut dinon se mera dil udas bhi to nahin

bahut dinon se teri yaad bhi nahin aai

'salim' qurb se bhi tishnagi nahin jati

ye baat sahil-o-dariya ne mujh ko samjhai