jo baat wajh-e-sukun hai dil-o-nazar ke liye

jo baat vaj.h-e-sukūñ hai dil-o-nazar ke liye

vahī hai dām-e-balā hastī-e-bashar ke liye

kise ḳhabar thī hai parvarda-e-shab-e-ālām

charāġh kitne bujhā.e haiñ jis sahar ke liye

kaheñ to kyā kaheñ un ko jo kho ke manzil hī

taras rahe haiñ faqat aaj tak safar ke liye

khulī na aañkh magar is ke bāvajūd un kī

fareb khā ga.e jo log umr-bhar ke liye

junūn-e-shauq na ho kam kisī qadam par bhī

ye ḳhizr-e-rāh hai dar-asl har safar ke liye

vo fasl-e-gul meñ jo sarmāya-e-dil-o-jāñ the

vahī nazāre qayāmat haiñ ab nazar ke liye

usī kī shakl nigāhoñ meñ phirtī rahtī hai

milā hai dāġh-e-alam jis se umr-bhar ke liye

'zubair' shauq-e-farāvāñ hī saath le ke chale

ki zād-e-rāh to kuchh chāhiye safar ke liye

jo baat wajh-e-sukun hai dil-o-nazar ke liye

wahi hai dam-e-bala hasti-e-bashar ke liye

kise KHabar thi hai parwarda-e-shab-e-alam

charagh kitne bujhae hain jis sahar ke liye

kahen to kya kahen un ko jo kho ke manzil hi

taras rahe hain faqat aaj tak safar ke liye

khuli na aankh magar is ke bawajud un ki

fareb kha gae jo log umr-bhar ke liye

junun-e-shauq na ho kam kisi qadam par bhi

ye KHizr-e-rah hai dar-asl har safar ke liye

wo fasl-e-gul mein jo sarmaya-e-dil-o-jaan the

wahi nazare qayamat hain ab nazar ke liye

usi ki shakl nigahon mein phirti rahti hai

mila hai dagh-e-alam jis se umr-bhar ke liye

'zubair' shauq-e-farawan hi sath le ke chale

ki zad-e-rah to kuchh chahiye safar ke liye