جو باوجود ہواؤں کے تابناک ہوئے

جو باوجود ہواؤں کے تابناک ہوئے

انہیں چراغوں سے لڑ کر اندھیرے خاک ہوئے

یہ عشق کھیل نہیں ہے میاں سنبھل جاؤ

ہزاروں قیس اسی عشق میں ہلاک ہوئے

اگر گناہ کیا ہے سزا بھی چاہتے ہیں

بہا کے اشک ندامت کے ہم نہ پاک ہوئے

وہ چاہتے تھے حکومت ہو روشنی پہ مگر

کئی پتنگے اسی آرزو میں خاک ہوئے

کہ جیسے دنیا میں کچھ بھی نہیں ہو غم کے سوا

جدھر بھی دیکھو وہیں پر جگر ہیں چاک ہوئے

چنا تھا ضد میں بہت تنگ قافیہ ہم نے

خدا کا شکر کے کچھ شعر ٹھیک ٹھاک ہوئے