jo bawajud hawaon ke tabnak hue

jo bāvajūd havāoñ ke tābnāk hue

unhīñ charāġhoñ se laḌ kar añdhere ḳhaak hue

ye 'ishq khel nahīñ hai miyāñ sañbhal jaao

hazāroñ qais isī 'ishq meñ halāk hue

agar gunāh kiyā hai sazā bhī chāhte haiñ

bahā ke ashk nadāmat ke ham na paak hue

vo chāhte the hukūmat ho raushnī pe magar

ka.ī patange isī aarzū meñ ḳhaak hue

ki jaise duniyā meñ kuchh bhī nahīñ ho ġham ke sivā

jidhar bhī dekho vahīñ par jigar haiñ chaak hue

chunā thā zid meñ bahut tang qāfiya ham ne

ḳhudā kā shukr ke kuchh she'r Thīk-Thāk hue

jo bawajud hawaon ke tabnak hue

unhin charaghon se laD kar andhere KHak hue

ye 'ishq khel nahin hai miyan sanbhal jao

hazaron qais isi 'ishq mein halak hue

agar gunah kiya hai saza bhi chahte hain

baha ke ashk nadamat ke hum na pak hue

wo chahte the hukumat ho raushni pe magar

kai patange isi aarzu mein KHak hue

ki jaise duniya mein kuchh bhi nahin ho gham ke siwa

jidhar bhi dekho wahin par jigar hain chaak hue

chuna tha zid mein bahut tang qafiya hum ne

KHuda ka shukr ke kuchh she'r Thik-Thak hue