جو بد عقیدہ ہو اس کو خدا نہیں ملتا

جو بد عقیدہ ہو اس کو خدا نہیں ملتا

لگن ہو دل میں تو بندے کو کیا نہیں ملتا

بڑے خلوص سے سب کی نظر کو تکتا ہوں

وفا شناس کوئی آشنا نہیں ملتا

جسے بھی دیکھیے وہ رہزنی میں یکتا ہے

ہزار ڈھونڈو مگر رہنما نہیں ملتا

دیار غیر میں سب ہی عزیز ہیں لیکن

جو دے خلوص تو وہ با وفا نہیں ملتا

تمہارے شہر میں اخلاص کی کمی لیکن

ستم ہے کوئی بھی غم آشنا نہیں ملتا

سکون قلب کی دولت ملی تو ہے زاہدؔ

کوئی بتائے کہ اس در سے کیا نہیں ملتا