jo bhale bure ki aTkal na mera shiar hota

jo bhale bure kī aTkal na mirā shi.ār hotā

na jazā-e-ḳhair paatā na gunāhgār hotā

mai-e-be-ḳhudī kā saaqī mujhe ek jur.a bas thā

na kabhī nasha utartā na kabhī ḳhumār hotā

maiñ kabhī kā mar bhī rahtā na ġham-e-firāq sahtā

agar apnī zindagī par mujhe iḳhtiyār hotā

ye jo ishq-e-jāñ-sitāñ hai ye jo bahr-e-be-karāñ hai

na sunā koī safīna kabhī is se paar hotā

kabhī bhuul kar kisī se na karo sulūk aisā

ki jo koī tum se kartā tumheñ nāgavār hotā

hai is anjuman meñ yaksāñ adam-o-vajūd merā

ki jo maiñ yahāñ na hotā yahī kārobār hotā

jo bhale bure ki aTkal na mera shiar hota

na jaza-e-KHair pata na gunahgar hota

mai-e-be-KHudi ka saqi mujhe ek jura bas tha

na kabhi nasha utarta na kabhi KHumar hota

main kabhi ka mar bhi rahta na gham-e-firaq sahta

agar apni zindagi par mujhe iKHtiyar hota

ye jo ishq-e-jaan-sitan hai ye jo bahr-e-be-karan hai

na suna koi safina kabhi is se par hota

kabhi bhul kar kisi se na karo suluk aisa

ki jo koi tum se karta tumhein nagawar hota

hai is anjuman mein yaksan adam-o-wajud mera

ki jo main yahan na hota yahi karobar hota