jo bhi barbaad ho nahin sakta

jo bhī barbād ho nahīñ saktā

vo to farhād ho nahīñ saktā

'ishq vaqt-e-digar pe kyoñ chhoḌeñ

ye tire baa'd ho nahīñ saktā

mire piñjre ko toḌte kyoñ ho

jab maiñ āzād ho nahīñ saktā

ye farishtoñ kā kaam hotā hai

aadmī shaad ho nahīñ saktā

us pe terā gumān kaise ho

dukh to ham-zād ho nahīñ saktā

aise lagtā thā vo hasīñ chehra

sitam-ījād ho nahīñ saktā

tujh se pahle to ḳhair kyā hogā

jo tire baa'd ho nahīñ saktā

kyā karūñ merā naam 'anjum' hai

maiñ zamīñ-zād ho nahīñ saktā

jo bhi barbaad ho nahin sakta

wo to farhad ho nahin sakta

'ishq waqt-e-digar pe kyon chhoDen

ye tere ba'd ho nahin sakta

mere pinjre ko toDte kyon ho

jab main aazad ho nahin sakta

ye farishton ka kaam hota hai

aadmi shad ho nahin sakta

us pe tera guman kaise ho

dukh to ham-zad ho nahin sakta

aise lagta tha wo hasin chehra

sitam-ijad ho nahin sakta

tujh se pahle to KHair kya hoga

jo tere ba'd ho nahin sakta

kya karun mera nam 'anjum' hai

main zamin-zad ho nahin sakta