jo bhi hai hasb-e-haal khinchenge

jo bhī hai hasb-e-hāl khīñcheñge

us kā naqsha kamāl khīñcheñge

chuTkī kāTegī vo sharārat se

aur ham us ke baal khīñcheñge

tujh ko mujh se milāne vaale log

donoñ jānib se maal khīñcheñge

yaar lamhoñ meñ sāmne hogā

is tarah māh-o-sāl khīñcheñge

bharne vaalā hai ye mohabbat se

vaqt par apnā jaal khīñcheñge

koī cigarette mazā na degā to phir

capstan paal mall khīñcheñge

dene hoñge javāb āḳhir-kār

tujh ko mere savāl khīñcheñge

zaḳhm ġhurbat ke sab raqam kar ke

karb-e-qaht-ur-rijāl khīñcheñge

āḳhir aanā paḌegā mere liye

tujh ko mere ḳhayāl khīñcheñge

gar ye mumkin huā to apnī taraf

ek do ḳhush-ḳhisāl khīñcheñge

itne bigḌe haiñ Dar nahīñ baaqī

kyā baḌe apne gaal khīñcheñge

merī ġhurbat milegī virse meñ

is ko mere ayaal khīñcheñge

toḌ deñ Dor hijr kī 'ābid'

kab talak ye vabāl khīñcheñge

jo bhi hai hasb-e-haal khinchenge

us ka naqsha kamal khinchenge

chuTki kaTegi wo shararat se

aur hum us ke baal khinchenge

tujh ko mujh se milane wale log

donon jaanib se mal khinchenge

yar lamhon mein samne hoga

is tarah mah-o-sal khinchenge

bharne wala hai ye mohabbat se

waqt par apna jal khinchenge

koi cigarette maza na dega to phir

capstan pal mall khinchenge

dene honge jawab aaKHir-kar

tujh ko mere sawal khinchenge

zaKHm ghurbat ke sab raqam kar ke

karb-e-qaht-ur-rijal khinchenge

aaKHir aana paDega mere liye

tujh ko mere KHayal khinchenge

gar ye mumkin hua to apni taraf

ek do KHush-KHisal khinchenge

itne bigDe hain Dar nahin baqi

kya baDe apne gal khinchenge

meri ghurbat milegi wirse mein

is ko mere ayal khinchenge

toD den Dor hijr ki 'abid'

kab talak ye wabaal khinchenge