jo bhi KHud-agahi samajhta hai
jo bhī ḳhud-āgahī samajhtā hai
merī be-chehragī samajhtā hai
sab samajhte haiñ khilkhilānā mirā
koī sanjīdgī samajhtā hai
qatl afsurdagī ke hāthoñ hue
par jahāñ ḳhud-kushī samajhtā hai
kab samajh aatā hai parāyā ġham
jis pe guzre vahī samajhtā hai
maiñ dukh apne sunātī huuñ us ko
vo unheñ shā'irī samajhtā hai
maiñ ki kuchh aur kahnā chāhtī huuñ
vo ki kuchh aur hī samajhtā hai
zindagī ḳhvāb hai mujhe aur vo
ḳhvāb ko zindagī samajhtā hai
jo bhi KHud-agahi samajhta hai
meri be-chehragi samajhta hai
sab samajhte hain khilkhilana mera
koi sanjidgi samajhta hai
qatl afsurdagi ke hathon hue
par jahan KHud-kushi samajhta hai
kab samajh aata hai paraya gham
jis pe guzre wahi samajhta hai
main dukh apne sunati hun us ko
wo unhen sha'iri samajhta hai
main ki kuchh aur kahna chahti hun
wo ki kuchh aur hi samajhta hai
zindagi KHwab hai mujhe aur wo
KHwab ko zindagi samajhta hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
