جو بھی ملے قبول ہے دیں ہاں یا نہ جواب

جو بھی ملے قبول ہے دیں ہاں یا نہ جواب

دیکھیں مرے سوال کا دیں گے وہ کیا جواب

کیسا سوال تھا کہ الجھ کے وہ رہ گیا

ایسے میں کیا کسی نے کسی کو دیا جواب

دل میں اتر گئے ہو تم آنکھوں کے راستے

آنکھوں کے اک سوال پہ آنکھوں کا تھا جواب

ہم سے نظر ملا کے کبھی کیجئے گا بات

ہم دیں گے آپ کو سنو ہر بات کا جواب

خاموشی اک سوال ہے ایسا سوال کہ

نہ چاہتے ہوئے اسے دینا پڑا جواب

بیٹھے ہیں دل کو تھام کے ہم تو بہ چشم نم

مرضی ہے ان کی جو بھی دیں اچھا برا جواب