jo bhi tere qarib hai ya-rab

jo bhī tere qarīb hai yā-rab

vo jahāñ kā habīb hai yā-rab

koī ġhamgīn hai koī ḳhush hai

apnā apnā nasīb hai yā-rab

tū hī zāhir hai tū hī bātin hai

terī hastī ajiib hai yā-rab

jis pe terī nazar na ho aisā

ahl-e-zar bhī ġharīb hai yā-rab

tū ne qātil banā diyā jis ko

vahī merā tabīb hai yā-rab

aaj har shaḳhs ke gale meñ kyoñ

ik nishān-e-salīb hai yā-rab

duur nazroñ se hai jahāñ kī 'mayank'

vo jo tere qarīb hai yā-rab

jo bhi tere qarib hai ya-rab

wo jahan ka habib hai ya-rab

koi ghamgin hai koi KHush hai

apna apna nasib hai ya-rab

tu hi zahir hai tu hi baatin hai

teri hasti ajib hai ya-rab

jis pe teri nazar na ho aisa

ahl-e-zar bhi gharib hai ya-rab

tu ne qatil bana diya jis ko

wahi mera tabib hai ya-rab

aaj har shaKHs ke gale mein kyon

ek nishan-e-salib hai ya-rab

dur nazron se hai jahan ki 'mayank'

wo jo tere qarib hai ya-rab