جو برے شخص کو بھلا سمجھے

جو برے شخص کو بھلا سمجھے

ایسے لوگوں کو پھر خدا سمجھے

میں نے کچھ اور ہی کہا تھا مگر

یہ بتائیں کہ آپ کیا سمجھے

یہ خطا گر نہیں تو پھر کیا ہے

وہ سمجھ سے بھی جب سوا سمجھے

پہلے مجھ کو سمجھ نہ پائے وہ

پھر ہوا یوں کے برملا سمجھے

ہم بھی کتنے تھے نا سمجھ ہائے

اس کے پردے کو ہی حیا سمجھے

پنچھیوں نے ہلائے تھے پتے

اور مسافر اسے ہوا سمجھے

اس پہ اہل وفا کی لعنت ہے

بے وفا کو جو با وفا سمجھے

بے خطا مت کہو اسے یارو

جو خطا کو بھی نہ خطا سمجھے

وہ دعا دے رہا تھا جینے کی

اور ہم اس کو بد دعا سمجھے

برسوں روتی رہی وہ فرقت میں

برسوں ہم اس کو اک ادا سمجھے