jo chehre ki banawaT se yun zulfon ko haTati ho

jo chehre kī banāvaT se yuuñ zulfoñ ko haTātī ho

udhar kā pūchho mat ham se idhar bijlī girātī ho

hamīñ ko jaan kahtī ho hamīñ pe aap martī ho

amaañ chhoḌo ye zid apnī hameñ kitnā satātī ho

abhī chhoḌā kahāñ tujh ko abhī kyā baat bigḌī hai

kināre par khaḌe haiñ ham ki tum aañsū bahātī ho

hameñ to naaz thā tum par tumheñ bhī naaz honā thā

jalānā thā zamāne ko ki tum ham ko jalātī ho

ye mausam hai bāzāroñ kā ki raunaq khīñch laatī hai

hamārī jeb ḳhālī kar divālī tum manātī ho

to kal kuchh kah rahīñ thī 'muntazir' tum Thiik dikhte ho

maiñ pūchhūñ bhī bhalā to kyā bahut bāteñ banātī ho

jo chehre ki banawaT se yun zulfon ko haTati ho

udhar ka puchho mat hum se idhar bijli giraati ho

hamin ko jaan kahti ho hamin pe aap marti ho

aman chhoDo ye zid apni hamein kitna satati ho

abhi chhoDa kahan tujh ko abhi kya baat bigDi hai

kinare par khaDe hain hum ki tum aansu bahati ho

hamein to naz tha tum par tumhein bhi naz hona tha

jalana tha zamane ko ki tum hum ko jalati ho

ye mausam hai bazaron ka ki raunaq khinch lati hai

hamari jeb KHali kar diwali tum manati ho

to kal kuchh kah rahin thi 'muntazir' tum Thik dikhte ho

main puchhun bhi bhala to kya bahut baaten banati ho