جو دولت اور طاقت کے نشے میں چور ہوتا ہے

جو دولت اور طاقت کے نشے میں چور ہوتا ہے

پرکھ لیجے اسے وہ آدمی مغرور ہوتا ہے

ہو نا فرمان بیٹا تو سکوں گھر میں نہیں رہتا

یہ غم ماں باپ کے دل کے لئے ناسور ہوتا ہے

چلو آؤ جلائیں علم کی قندیل گھر گھر میں

اسی قندیل سے دل کا اندھیرا دور ہوتا ہے

اسے معلوم ہے پتھر یقیناً اس پہ برسیں گے

مگر سچ بولنے کو آئنہ مجبور ہوتا ہے

کسی کے چاہنے سے کچھ نہیں ہوتا ہے اے زاہد

وہی ہوتا ہے جو اللہ کو منظور ہوتا ہے