jo daulat taraqqi-rasai bahut hai

jo daulat taraqqī-rasā.ī bahut hai

to aapas meñ us se judā.ī bahut hai

agar tujh meñ ulfat samā.ī bahut hai

to sun lo yahāñ be-vafā.ī bahut hai

kabhī dard maañ ko nahīñ do ki is kī

har ek aah meñ gahrī khaa.ī bahut hai

ḳhudā kī razā hai na hāsil kisī ko

ḳhudā ke liye par laḌā.ī bahut hai

mohabbat luTā.ī hai apno pe behad

magar choT apno se khaa.ī bahut hai

haqīqat meñ vo daur kaafī hai mujh se

tasavvur meñ jo paas aa.ī bahut hai

siyāsat ne jashn-e-charāġhāñ ke badle

ġharīboñ kī bastī jalā.ī bahut hai

har ik shai se le kar zamīn-o-falak ko

mayassar ḳhudā kī ḳhudā.ī bahut hai

agar mujh ko īmāñ kī parvāh na hotī

to duniyā meñ 'az.har' kamā.ī bahut hai

jo daulat taraqqi-rasai bahut hai

to aapas mein us se judai bahut hai

agar tujh mein ulfat samai bahut hai

to sun lo yahan be-wafai bahut hai

kabhi dard man ko nahin do ki is ki

har ek aah mein gahri khai bahut hai

KHuda ki raza hai na hasil kisi ko

KHuda ke liye par laDai bahut hai

mohabbat luTai hai apno pe behad

magar choT apno se khai bahut hai

haqiqat mein wo daur kafi hai mujh se

tasawwur mein jo pas aai bahut hai

siyasat ne jashn-e-charaghan ke badle

gharibon ki basti jalai bahut hai

har ek shai se le kar zamin-o-falak ko

mayassar KHuda ki KHudai bahut hai

agar mujh ko iman ki parwah na hoti

to duniya mein 'azhar' kamai bahut hai