jo dekhta hun wahi bolne ka aadi hun

jo dekhtā huuñ vahī bolne kā 'aadī huuñ

maiñ apne shahr kā sab se baḌā fasādī huuñ

sahal hai sajda huqūq-ul-ibād mushkil-tar

isī liye to maiñ aabid nahīñ ibādī huuñ

mire baġhair tirī zindagī adhūrī sī

maiñ har lihāz se tere liye ifādī huuñ

bahut se naam haiñ mujh meñ lahū se likkhe hue

maiñ dostī kā nahīñ dushmanī kā 'aadī huuñ

siyāsiyāt ke māhir mujhe samajhte haiñ

maiñ sarhadoñ ke liye jang kī munādī huuñ

mujhe mazāq kā pahlū banāyā jaatā hai

'shakīl-shāh' maiñ ġhurbat-zada kī shādī huuñ

jo dekhta hun wahi bolne ka 'adi hun

main apne shahr ka sab se baDa fasadi hun

sahal hai sajda huquq-ul-ibaad mushkil-tar

isi liye to main aabid nahin ibaadi hun

mere baghair teri zindagi adhuri si

main har lihaz se tere liye ifadi hun

bahut se nam hain mujh mein lahu se likkhe hue

main dosti ka nahin dushmani ka 'adi hun

siyasiyat ke mahir mujhe samajhte hain

main sarhadon ke liye jang ki munadi hun

mujhe mazaq ka pahlu banaya jata hai

'shakil-shah' main ghurbat-zada ki shadi hun