jo dil mein hai wahi kaghaz pe lata hun

jo dil meñ hai vahī kāġhaz pe laatā huuñ

kahāñ duniyā se maiñ kuchh bhī chhupātā huuñ

maiñ shā'ir huuñ mirā bas kaam itnā hai

hamesha sone vāloñ ko jagātā huuñ

ḳhudā ne dī jinheñ 'izzat mu'azziz haiñ

magar maiñ sar nahīñ nazreñ jhukātā huuñ

guzar kar baap kī chaukhaT vo mar jaa.eñ

tumheñ maiñ beTiyoñ kā dukh batātā huuñ

jo pūchhe rasta jannat kā koī mujh se

pata maiñ maañ ke qadmoñ kā batātā huuñ

yaqīñ sach kā kisī ko jab dilānā ho

qasam rab kī tirī qasmeñ uThātā huuñ

'ḳhizar' tab sūkhne lagte haiñ dariyā bhī

kahānī jab kahīñ apnī sunātā huuñ

jo dil mein hai wahi kaghaz pe lata hun

kahan duniya se main kuchh bhi chhupata hun

main sha'ir hun mera bas kaam itna hai

hamesha sone walon ko jagata hun

KHuda ne di jinhen 'izzat mu'azziz hain

magar main sar nahin nazren jhukata hun

guzar kar bap ki chaukhaT wo mar jaen

tumhein main beTiyon ka dukh batata hun

jo puchhe rasta jannat ka koi mujh se

pata main man ke qadmon ka batata hun

yaqin sach ka kisi ko jab dilana ho

qasam rab ki teri qasmen uThata hun

'KHizar' tab sukhne lagte hain dariya bhi

kahani jab kahin apni sunata hun